पणजी : गोव्यात सध्या वाढत्या थंडीचा परिणाम जाणवू लागला आहे. राज्यात गेल्या काही दिवसांपासून कोरोना रुग्णांची सातत्याने वाढतानाच दिसत आहे. कडाक्याच्या थंडीमुळे कोरोना संसर्ग वाढतोय की काय असं चित्रच जणू गोव्यात निर्माण झाल्याचं दिसत आहे. (Cold Wave in goa News Update)

गोव्यात (Goa) गेल्या आठवड्याभरापासून कडाक्याची थंडी पडत आहे. त्यामुळे अनेकांना सर्दी, ताप, खोकला आदी आजारांचा सामना करावा लागत आहे. त्यातच अनेक रुग्णांचे कोरोना तपासणी अहवालही पॉझिटिव्ह येऊ लागले आहेत. त्यामुळे थंडीमुळे (Winter) कोरोना वाढतोय का असा प्रश्न अनेकांना पडला आहे. साहजिकच याचा ताणही राज्याच्या आरोग्य व्यवस्थेवर पडताना दिसत आहे.

कोरोनाच्या (Corona) जाळ्यात सर्वसामान्य नागरिकांसह आरोग्य कर्मचारीही पडताना दिसत आहेत. त्याचा अतिरिक्त ताणही आरोग्यसेवेवर पडू लागला आहे. अनेक रुग्णांच्या आरटीपीसीआर टेस्टचा निकालही अद्याप प्रलंबित आहे. त्यामुळे दरदिवशी वाढणाऱ्या रुग्णांची संख्या ही आणखी जास्त असण्याची भीतीही व्यक्त केली जात आहे.