वास्को: मुरगाव व रत्नागिरी किनाऱ्यापासून 80 नॉटिकल मैलावर बुडणाऱ्या एका जहाजातून 19 खलाशांना वाचवण्यास भारतीय तटरक्षक दलाला यश आले आहे.

(Coast Guard rescues 19 sailors from sinking ship in Murgaon Ratnagiri sea)

मिळालेल्या माहितीनुसार रत्नागिरी व मुरगाव किनाऱ्यापासून 80 नॉटिकल मैलावर एक जहाज बुडत असलेची माहिती भारतीय तटरक्षक दल गोवा विभागाला मिलाली यानुसार तातडीने आयसीजीएस अपूर्वा सह भारतीय तटरक्षक जहाज सुजित आणि एक सीजी ध्रुव हेलिकॉप्टर संकटग्रस्त जहाजाला मदत करण्यासाठी वळवण्यात आले.

बुडणाऱ्या जहाजातील सर्वच्या सर्वा म्हणजे 19 खलाशांना एका लाईफ बोट मधून वाचवण्यात आले. सर्व जणांना वैद्यकीय आणि इतर औपचारिकेसाठी वास्को-कोस्टल पोलिसांकडे सोपवण्यात येणार असल्याची माहिती सूत्रांकडून माहिती देण्यात आली आहे. मात्र हा अपघात नेमका कसा झाला? आणि अपघाती जहाज कोणत्या प्रकारचे होते? बाबतची माहिती अद्याप मिळू शकलेली नाही.