CM Pramod Sawant Stops Convoy: बुधवारी (दि.३) च्या दिवशी मुख्यमंत्री डॉ. प्रमोद सावंत यांच्या संवेदनशीलतेमुळे एक दुर्मीळ घटना पाहायला मिळाली. नियमित दौऱ्यावर असताना रस्त्याच्या कडेला जखमी अवस्थेत पडलेल्या एका महिलेला पाहून त्यांनी कोणताही विचार न करता तात्काळ आपला ताफा थांबवला आणि जखमी महिलेला त्वरित रुग्णालयात उपचारांसाठी पाठवलं. मुख्यमंत्री सावंत यांचा हा व्हिडीओ सध्या सोशल मीडियावर व्हायरल होतोय आणि त्यांच्या या कृतीचं कौतुक केलं जातंय.

या व्हिडीओमध्ये प्रवासाचा प्रोटोकॉल बाजूला ठेवून मुख्यमंत्री सावंत यांनी ॲम्ब्युलन्सची वाट न पाहता जखमी महिलेला त्वरित मदत पोहोचवताना दिसतायत. ते स्वतः गाडीतून खाली उतरले, जखमी महिलेला धीर दिला आणि तिच्याशी अत्यंत विनम्रपणे संवाद साधला.

या व्हिडीओमध्ये प्रवासाचा प्रोटोकॉल बाजूला ठेवून मुख्यमंत्री सावंत यांनी ॲम्ब्युलन्सची वाट न पाहता जखमी महिलेला त्वरित मदत पोहोचवताना दिसतायत. ते स्वतः गाडीतून खाली उतरले, जखमी महिलेला धीर दिला आणि तिच्याशी अत्यंत विनम्रपणे संवाद साधला.

एवढंच नाही तर मुख्यमंत्र्यांनी तात्काळ आपल्या टीमला महिलेला मदत करण्याचे निर्देश दिले. त्यांनी स्वतःच्या ताफ्यातील एका वाहनातत्या जखमी महिलेला सुरक्षितपणे बसवून, वेळ न गमावता तातडीने रुग्णालयात उपचारासाठी रवाना केले.

यानंतर त्यांनी हा अपघात कसा झाला याची चौकशी केली आणि यावर त्वरित कारवाई सुद्धा करण्याचे निर्दश संबंधित अधिकाऱ्यांना दिले. घडल्या प्रसंगात हा अपघात हिट अँड रनची केस आहे.

मात्र यावेळी मुख्यमंत्र्यांनी दाखवलेल्या या तत्परतेमुळे आणि माणुसकीच्या कृतीमुळे रस्त्यावरील उपस्थित लोक स्तब्ध झाले. नेहमीची मोटरकेडची हालचाल बाजूला सारून त्यांनी केलेले हे मानवतावादी कार्य अनेकांना प्रेरणा देऊन गेले. मुख्यमंत्री डॉ. सावंत यांनी संवेदनशील नेतृत्वाचा एक उत्कृष्ट नमुना घालून दिला आहे.