New Police Station at Mopa: आज मोपा येथे मुख्यमंत्र्यांच्या हस्ते नवीन पोलीस स्टेशनचे उद्घाटन करण्यात आले आहे. मनोहर पर्रीकर आंतरराष्ट्रीय विमानतळ झाल्यानंतर छोट्या पत्र्याच्या शेडमध्ये असलेल्या पोलीस स्टेशनला आता स्वत:च्या हक्काची इमारत मिळाली आहे.

मुख्यमंत्री डॉ. प्रमोद सावंत यांच्या हस्ते मनोहर आंतरराष्ट्रीय विमानतळ मोपा येथील पोलीस स्थानकाचे उद्घाटन करण्यात आले. यावेळी आमदार प्रवीण आर्लेकर, पोलीस महासंचालक जसपाल सिंग आणि इतर मान्यवर उपस्थित होते.

नव्याने उभारण्यात आलेले हे पोलिस स्टेशन मोपा विमानतळ आणि भागातील 8 पंचायतींना सेवा प्रदान करणार आहे. शांती-सेवा-न्याय हे गोवा पोलिसांचे ब्रीदवाक्य आहे आणि गोवा सरकार आपल्या सेवेसह राज्यातील शांती टिकवून ठेवण्यासाठी लोकांची सेवा करण्यास कटिबद्ध असल्याचे मत मुख्यमंत्र्यांनी उद्घाटन कार्यक्रमात व्यक्त केले.