National Sports: राष्ट्रीय स्तरावरील स्पर्धा गोव्यात आयोजित केल्यास क्रीडा पर्यटनाला निश्‍चित वाव मिळेल, असा आशावाद मुख्यमंत्री डॉ. प्रमोद सावंत यांनी व्यक्त केला.

सहाव्या फेडरेशन कप पेंच्याक सिलट राष्ट्रीय स्पर्धेच्या बक्षिस प्रदान सोहळ्यात ते बोलत होते. ‘पेंच्याक सिलाट मार्शल आर्ट क्रीडा प्रकाराचा गोव्यातील आगामी राष्ट्रीय क्रीडा स्पर्धेत समावेश करण्यासंबंधी केंद्रीय क्रीडा मंत्री, भारतीय ऑलिंपिक असोसिएशन व गोवा ऑलिंपिक असोसिएशन यांच्याशी चर्चा केली जाईल’, असे ही ते म्हणाले.

यावेळी आमदार उल्हास तुयेकर, चंद्रकांत कवळेकरस आयोजक अध्यक्ष सौरभ लोटलीकर आदी उपस्थित होते. नावेलीच्या मनोहर पर्रीकर इनडोअर स्टेडियममध्ये सहाव्या फेडरेशन कप पेंच्याक सिलाट राष्ट्रीय स्पर्धेत जम्मू-काश्मीर संघाने सर्वाधिक 23 सुवर्ण पदके जिंकली.

तसेच सर्वंकष विजेतेपद पटकावले. गोव्याच्या 20 खेळाडूंनी भाग घेतला होता. गोव्याला पाच पदके मिळाली.