NCP Goa | Sharad Pawar  Dainik Gomantak
गोवा

NCP Goa: शरद पवारांच्या राष्ट्रवादीला गोव्यात बूस्ट मिळणार का? युवा नेतृत्वाच्या खांद्यावर कमान

पक्षाची पुनर्रचना प्रक्रिया येत्या तीन महिन्यांत पूर्ण करणार असल्याचे क्रॅस्टो यांनी म्हटले आहे.

Pramod Yadav

ज्येष्ठ नेते शरद पवार (Sharad Pawar) यांच्या राष्ट्रवादी काँग्रेस पक्षाच्या वतीने गोव्यात (Goa NCP) मागील दोन दिवसांपासून बैठकींचा धडाका लावला आहे. गोवा राष्ट्रवादीचे निरीक्षक आणि पक्षाचे राष्ट्रीय प्रवक्ते क्लाइड क्रॅस्टो (Clyde Crasto) तीन दिवसीय गोवा दौऱ्यावर आहेत. पक्षाची पुनर्रचना प्रक्रिया येत्या तीन महिन्यांत पूर्ण करणार असल्याचे क्रॅस्टो यांनी म्हटले आहे. यावेळी त्यांनी दोन नव्या नियुक्ती देखील केल्या.

क्लाइड क्रॅस्टो यांनी यावेळी कार्मोणाच्या सरपंच सँड्रा मार्टिन्स फर्नांडिस (Sandra Martins Fernandes) यांची राज्य महिला अध्यक्षपदी नियुक्ती केली, तर कोलवा जिल्हा पंचायत सदस्य वानिया बाप्टिस्टा (Vania Baptista) यांची राज्य युवा संघटनेच्या अध्यक्षपदी नियुक्ती केली.

पक्षात तरुणांना संधी देण्यावर भर देण्यात आला आहे. "पक्षाच्या पुनर्रचनेचे 50 टक्के काम पूर्ण झाले आहे. उर्वरीत प्रक्रिया येत्या तीन महिन्यांत पूर्ण करणार आहे. पुनर्रचनेचा भाग म्हणून आम्ही शून्यापासून सुरुवात करत, राज्यात राष्ट्रवादी बळकट करण्यावर भर देत आहोत." असे क्रॅस्टो म्हणाले. पक्ष राज्यातील स्थानिक मुद्यांवर आवाज उठवण्याचे काम करेल असेही क्रॅस्टो यांनी नमूद केले.

गोव्यात सध्या विविध स्थानिक मुद्दे गाजत आहेत. यात म्हादई नदीचा (Mahadayi Water Dispute) मुद्दा विरोधकांनी उचलून धरला आहे. केंद्रीय जल आयोगाने कर्नाटकच्या मंजूर केलेल्या सुधारीत डिपीआरवरून 'राज्यातील भाजप सरकारने म्हादई कर्नाटकला विकली', असा थेट आरोप विरोधक करत आहेत. दरम्यान, म्हादईबाबत ठोस भुमिका घेताना गोवा राष्ट्रवादी दिसली नाही. तसेच, राज्यातील कळीच्या मुद्यांवर पक्ष स्पष्ट भुमिका घेताना दिसून येत नाही.

राष्ट्रवादीला गोव्यात बूस्ट मिळणार का?

गोव्यात सध्या भाजप सर्वात मोठा पक्ष आहे. त्यात काँग्रेसच्या आठ आमदारांनी बंडखोरी करत भाजपमध्ये जाणं पसंद केले. त्यामुळे राज्यात भाजप अजून स्ट्राँग झालीय तर, काँग्रेसची वाताहत झाली आहे. याशिवाय राज्यात निवडणूकीत सर्वाधिक खर्च करणाऱ्या तृणमूलचा येथे सध्या एकही आमदार नाही. केजरीवाल यांच्या आपची देखील तीच अवस्था असली तरी पक्षाचे दोन आमदार वारंवार चर्चेत असतात.

महाराष्ट्रातील शिवसेना फुटीचा गोव्यात फारसा प्रभाव दिसून आला नाही. दरम्यान, राष्ट्रवादीत युवा नियुक्तीवर भद दिला जात आहे. युवा राज्यात पक्षाला नवी उर्जा देणार का? हे पाहणं महत्वाचे ठरणार आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Agniveer Recruitment Data Leak: मोठी खळबळ! अग्निवीरांचा डेटा डार्क वेबवर विकायचा डाव? 14 वर्षांच्या मुलाला दिल्ली पोलिसांनी घेतलं ताब्यात

Railways New Rules: प्रवाशांनो सावधान! ट्रेनमध्ये मोठ्या आवाजात बोलणे पडू शकते महागात; न ऐकल्यास भोगावा लागू शकतो तुरुंगवास अन् दंड

Check Dam Construction: 3 तालुक्यांत 116 बंधाऱ्यांत पाणी अडवले; परिसरातील भूजल पातळीत वाढ झाल्याचा दावा

Gurpatwant Singh Pannun Murder Plot: खलिस्तानी दहशतवादी गुरपतवंत सिंग पन्नूच्या हत्येचा कट, अमेरिकन कोर्टाचा निखिल गुप्ताला झटका; सुनावली 20 वर्षांची शिक्षा

Marigold Farming: काणकोणात झेंडूचा बहर; 1,060 क्विंटल उत्पादन, स्थानिक फुलांना ग्राहकांची पसंती

SCROLL FOR NEXT