Pollution Control Board: आपले सांडपाणी थेट नाल्यात सोडून कुंकळ्ळी औद्योगिक वसाहत क्षेत्रात प्रदूषण करण्याचा आरोप असलेला एक फिश मिल प्रकल्प बंद करण्याचा आदेश प्रदूषण नियंत्रण मंडळाने दिला आहे.
सोमवारी (ता.१३) आणखी एका प्रकल्पावर अशाचप्रकारची कारवाई होण्याचे संकेत प्रदूषण नियंत्रण मंडळाचे अध्यक्ष महेश पाटील यांनी दिले आहेत.
मंडळाने दोन दिवसांपूर्वीच हा आदेश जारी केला. यासंंबंधी यापूर्वी एक बैठक घेण्यात आली होती, त्यावेळी कुंकळ्ळी औद्योगिक वसाहत संघटनेचे अध्यक्ष अभय केणी हेही उपस्थित होते.
या वसाहतीतील हे कारखाने मोठ्या प्रमाणावर प्रदूषण करत असून त्यामुळे या भागातील पाण्याचे साठे दूषित झाले असून त्यांना दुर्गंधी येत असल्याचा दावा करून 15 दिवसांपूर्वी कुंकळ्ळीचे नागरिक रस्त्यावर आले होते, असे पाटील यांनी सांगितले.
या भागातील फिश मिल कारखान्याच्या मालकांसोबत प्रदूषण नियंत्रण मंडळाने बैठक घेऊन त्यांना काही सूचना केल्या होत्या. बऱ्याच उद्योगांनी या सूचनांचे पालन केले असले तरी काही उद्योगांनी त्याकडे दुर्लक्ष केले आहे. अशा उद्योगांवर कडक कारवाई केली जाईल.- महेश पाटील, अध्यक्ष, प्रदूषण नियंत्रण मंडळ
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.