मोरजी:वन खाते आणि वन्यविभाग (Morjim Coastal Forest Department) तर्फे वन्य प्राणी सप्ताह निमित्ताने मोरजी किनारी भागात जो कचरा प्लास्टिक साचले होते त्यांची स्वच्छता करण्यासाठी मोहीम राबवली त्यात विध्याप्रसारक हास्कुल्चे विधार्थी शिक्षक, वन्य कर्मचारी अधिकारी, उपसरपंच अमित शेटगावकर जिल्हा सदस्य सतीश शेटगावकर, पपांच मुकेश गडेकर , पंच तुषार शेटगावकर, पंच पवन मोरजे, पंच विलास मोरजे वन्य अधिकारी जाबेस्तीने अलुराज, परेश परब आदी सहभागी झाले होते,

वन्य अधिकारी जाबेस्तीने अलुराज यांनी यावेळी बोलताना किनारे स्वच्छ ठेवले तर परिसर स्वच्छ राहील, हा परिसर सागरी कासवासाठी आरक्षित असल्याने आंतरराष्ट्रीय स्थरावर पोचला आहे, आज पासून हि स्वच्छता मोहीम चालू आहे ती मार्च पर्यंत चालणार असल्याचे सांगून प्लास्टिकचा वापर कमी करण्याचे आवाहन केले.

जिल्हा पंचायत सदस्य सतीश शेटगावकर यांनी बोलताना प्रत्येकाने आपला परिसर स्वच्छ ठेवला पाहिजे, या मोहिमेत गावातील महिला मडळे, पंचायत मंडळ, नारिक सहभागी होवून आपापला परिसर स्वच्छ ठेवण्याचे आवाहन केले.

पंच पवन मोरजे यांनी बोलताना सागरी कासव आणि स्थानिकांचे शेक व्यवसाय या दोघांचे समन्वय राखून पर्यटनाला वाव देण्याची गरज आहे.

स्थानिकांच्या सहकार्यातूनच कासव संवर्धन मोहीम चालू आहे, स्थानिक शेक व्यावसायिक या विरोधात नाही, मात्र हि मोहीम सरकारनेच राबवावी बिगर शाशकीय संस्थेकडे देवू नये त्यापेक्षा स्थानिकांचे सहकार्य घेवून कासाव संवर्धन मोहीम राबवावी अशी त्यांनी मागणी केली.

या मोहिमेत स्थानीक नागरिक शिवाय विदेशी पर्यटक सहभागी झाले होते.