खनिज वाहतुकीच्या मुद्यावरुन पिळगाव पंचायतीची आजची ग्रामसभा काहीसी तापली. पिळगाव-सारमानसमार्गे चालू असलेली 'वेदांता'ची खनिज वाहतूक बेकायदेशीर असल्याचा दावा ग्रामस्थांनी ग्रामसभेत करुन सध्या चालू असलेली खनिज वाहतूक बंद करा, अशी मागणी केली.
पिळगाव पंचायतीची ग्रामसभा आज (रविवारी) सरपंच सौ. मोहिनी जल्मी यांच्या अध्यक्षतेखाली पार पडली. या ग्रामसभेस उपसरपंच सुनील वायंगणकर यांच्यासह उमाकांत परबगावकर, सौ. सोनिया बेतकीकर, चेतन खोडगिणकर, सौ. शर्मिला वालावलकर आणि स्वप्नील फडते हे सर्व पंचसदस्य उपस्थित होते.
सरपंच सौ. जल्मी यांनी स्वागत केल्यानंतर पंचायत सचिवांनी मागील ग्रामसभेचे इतिवृत्त सादर केले. सकाळी 10.30 वा. सुरु झालेली ही ग्रामसभा दुपारी साधारण पावणे एक वाजता आटोपली. या ग्रामसभेत रस्त्याच्या बाजूने वाढलेली झूडुपे आदी गावातील समस्यांवर चर्चा झाली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.