Goa Pilgao Farmers: वेदांत वाहतूक रोखण्यासाठी पिळगाव शेतकरी आक्रमक

Goa Pilgao Mining Issue:

पिळगावमधील शेतकऱ्यांचा विरोध असतानाही डिचोलीतील ट्रकमालक खनिज वाहतुकीस तयार झाले आहेत. खनिज वाहतुकीच्या मार्गावर काही दिवसांपूर्वी कोमुनिदाद आणि शेतकऱ्यांनी घातलेले काटेरी कुंपणही मशिनरीद्वारे मोडले. या प्रकाराची कुणकूण लागताच शेतकरी जमा झाले. शेतकऱ्यांनी खनिज वाहतूक रोखण्याचा प्रयत्न केला. नंतर पोलिसांत धाव घेतली. कोणत्याही परिस्थीतीत खनिज वाहतूक करू देणार नाही अशी भूमिका त्यांनी घेतली आहे. महेश वळवईकर म्हणाले की, आमचा खाण व्यवसायास विरोध नाही. मात्र, शेती उद्ध्वस्त करून खाण व्यवसाय नको. खाण व्यवसायामुळे आमचे पूर्वज कसत असलेली शेती नष्ट झाली आहे. खाणमाती, गाळ साचून शेतजमिनी बुजल्या आहेत. त्यामुळे गेल्या बऱ्याच वर्षांपासून शेतजमीन पडीक आहे.