गोवा राज्याचा 62 वा मुक्तीदिन आज उत्साहात साजरा करण्यात आला, असे असले तरी पेडणे येथील सुरबानवाडा परिसरात पाण्याअभावी नागरीकांची भटकंती सुरु आहे. या पार्श्वभूमीवर नागरीकांनी आज संताप व्यक्त केला.

(citizens are angry because the tap is not drinking water at Surbanwada Pernem)

याबाबत माहिती देताना सुरबानवाडा येथील नागरीक महेंद्र तुकाराम तांबोसकर म्हणाले की, आज गोवा मुक्तीदिन आहे. गोवा स्वातंत्र्य होऊन 61 वर्षे पुर्ण झाली तरीही नागरीकांना पाण्यासारखी मुलभूत सुविधा मिळू शकत नाही. हे आम्हाला खेदाने सांगावे लागत आहे. पाणी पुरवठा अधिकारी संदिप मोरस्कर यांना अनेकदा जाऊन भेटलो, मात्र तरी ही समस्या कायम असल्याचं यावेळी नागरीकांनी म्हटले .

पंतप्रधान नरेंद्र मोदी गोवा दौऱ्यावर आले होते, त्या दरम्यान आम्हाला सुरळीत पाणी पुरवठा करण्यात आला. मात्र आता स्थिती जैसे थे आहे. पाण्यासाठी नागरीकांची पाण्यासाठी वणवण सुरु झाली आहे. तसेच वीज पुरवठ्याचा प्रश्न ही तसाच आहे. माध्यमांनी बातम्या लावल्या की, दहा दिवस सुव्यवस्थित सुरु असते. मात्र पुन्हा प्रश्न जैसे थे होतात असे तांबोसकर म्हणाले.

या प्रश्नावरुन आम्ही स्थानिक आमदारांकडे ही गेलो होतो, मात्र तरीही हा प्रश्न सुटत नाही. त्यामुळे या प्रश्नावरुन आम्ही दाद मागावी कोणाकडे असा प्रश्न त्यांनी हताशपणे विचारला. त्यामुळे हा प्रश्न लवकरात लवकर संबंधित विभागाने सोडवावा अशी मागणी नागरीकांनी केली आहे.