Chorla Ghat Truck Accident: चोर्ला घाटात अपघातांचे सत्र सुरु आहे. चोर्ला घाटात ट्रकचा अपघात झाला आहे. चालकाचे ट्रकवरील नियंत्रण सुटल्याने हा अपघात झाला.

तर दुसऱ्या घटनेत घाटात एका ट्रॅव्हल्स बसचे डिझेल संपल्याने बस रस्त्याच्या मधोमध बंद पडली. यामुळे घाटात वाहनचालकांना वाहतूक कोंडीला सामोरे जावे लागले.

मिळालेल्या माहितीनुसार, चोर्ला घाटातून गोव्याच्या दिशेने येणाऱ्या एका कंटेनरचा सोमवारी अपघात झाला. चालकाचे कंटेनरवरील नियंत्रण सुटल्याने हा अपघात झाला. या अपघातात सुदैवाने जिवीतहानी झाली नाही.

मात्र, कंटेनर रस्त्याच्या कडेला कलंडला. क्रेनच्या सहाय्याने अपघातग्रस्त ट्रक बाहेर काढण्याचे काम सुरु आहे.

तर दुसऱ्या घटनेत पावलो ट्रॅव्हल्सच्या बसचे डिझेल संपल्याने बस बंद पडली. त्यामुळे घाटात वाहनचालकांना वाहतूक कोंडीला सामोरे जावे लागले.