Panaji News: पणजी, आहाराच्या संबंधी आयुर्वेदात महत्त्वपूर्ण मार्गदर्शन केलेले आहे. योग्य आहार घेतला, खाण्याबाबतचे सर्व नियम पाळले तर माणूस शंभर वर्षें सहज जगू शकतो यावर आयुर्वेदात नमूद केलेले आहे.
आहार हे एक औषध असल्याचे ऋषि-मुनींनी म्हणून ठेवले आहे, असे प्रतिपादन केंद्रीय मंत्री श्रीपाद नाईक यांनी केले.
गोव्यातील वैशिष्ट्यपूर्ण पाककृतीवर आधारित दंत सर्जन डॉ. रीना लवंदे यांनी लिहिलेल्या ‘सुरबूस खाणां जेवणां’ या पुस्तकाच्या प्रकाशन नाईक यांच्या हस्ते करण्यात आले. यावेळी ते बोलत होते.
याप्रसंगी लेखिका डॉ. रीना लवंदे, प्रसिद्ध लेखक श्रीमती विनंती कासार, या पुस्तकाला प्रस्तावना लिहिलेले रमेश घाडी, सन्मानीय अथिती ऋषिकेश आठवले, एस. एल. बूक हाऊसचे प्रकाशक सागल लवंदे आदि मान्यवर उपस्थित होते.
यावेळी विनंती कासार यांनी पुस्तकावर विचार मांडले, तर या पुस्तकाला प्रस्तावना लिहिलेले रमेश घाडी यांनी आपल्या जीवनातील आहाराचे महत्त्व विषद केले. लेखिका डॉ. रीना लवंद यांनी आपले मनोगत व्यक्त केले.
प्रारंभी एस. एल. बूकहाऊस प्रकाशक सागर लवंदे यांनी उपस्थितांचे स्वागत केले. डॉ. सुरज लवंदे यांनी प्रमुख पाहुणे आणि इतर मान्यवरांचे पुष्पगुच्छ देऊन स्वागत केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.