पणजी: मोपा लिंक रोडप्रकरणी वारखंड पंचायतीने दिलेली स्थगिती पंचायत संचालकांनी उठवून काम सुरू करण्यास मुभा दिल्याप्रकरणी त्याविरुद्ध तेथील स्थानिकांनी मुंबई उच्च न्यायालयाच्या गोवा खंडपीठात याचिका सादर केली आहे. याशिवाय राष्ट्रीय हरित लवादाकडे (एनजीटी) लक्ष्मण गावस व संदीप कांबळी यांनी दाद मागितली आहे. राष्ट्रीय हरित लवादने याचिका दाखल करून घेतली आहे.

उच्च न्यायालयात व राष्ट्रीय हरित लवादाकडे दोन वेगवेगळ्या याचिका सादर करण्यात आल्या आहेत. त्यामध्ये रस्त्याच्या कामासाठी मोठ्या प्रमाणात झाडांची कत्तल करण्यात आली आहे. या कामासाठी परवानगी नसून ती मोपा विमानतळासाठी आहे. त्यामुळे सर्वोच्च न्यायालयाने दिलेल्या निर्देशांचे उल्लंघन झाले आहे असा दावा याचिकादारांनी केला आहे.