Ceiling light glass cover falls : नागरी आरोग्य केंद्राची भिंत कोसळलेल्या दिवसापासून मडगावमधील सरकारी इमारतींना वाईट दिवस आले आहेत. शुक्रवारी मडगाव पालिकेच्या सभागृहाबाहेरील व्हरांड्यात छताच्या प्लास्टरचे तुकडे निखळून पडले.

आज कहर म्हणजे, येथील रवींद्र भवनात कार्यक्रम सुरू असताना छतावरील दिव्याचे आवरण निखळून पडले. सुदैवाने यामुळे कोणाला दुखापत झाली नाही.

वारंवार घडणाऱ्या अशा प्रकारांमुळे पालिका जुन्या इमारतींची निगा राखण्यात असमर्थ ठरत असल्याची टीका मडगावात केली जात आहे.

... अन् धोका टळला!

शनिवारी मडगावच्या रवींद्र भवनमधील कॉन्फरन्स सभागृहात छतावरील दिव्याचे आवरण निखळून खाली पडले. त्यावेळी कौशल्य विकास व उद्योजकता विभागाचा युवकांसाठी कार्यक्रम सुरू होता.

समाजकल्याण मंत्री सुभाष फळदेसाई आणि आमदार उल्हास तुयेकर यावेळी उपस्थित होते. सुदैवाने हे आवरण खुर्च्यांच्या दोन रांगांमध्ये पडले. त्यामुळे धोका टळला.