फातोर्डा : मडगाव कोकण रेल्वे स्थानकावर बेकायदेशीर दारू बाळगल्याप्रकरणी कोकण रेल्वे पोलिसांनी उत्तरप्रदेश येथील दोन युवकांवर गुन्हा दाखल करून कारवाई केली आहे. आज 4.10 वाजता रेल्वे प्लॅटफॉर्म क्रमांक 4 वर पोलीस कॉन्स्टेबल विराज नाईक देसाई टेहाळणी करीत असताना त्यांना दोन युवक संशयास्पद आढळले. त्यांच्या बॅगची तपासणी केली असता, त्यांच्या 4 बॅगमध्ये 180 मिलीच्या 245 बाटल्या सापडल्या. या सर्व बाटल्या व्हिस्की दारूच्या (alcohol) होत्या.

पोलिसांनी (police) जप्त केलेल्या या सर्व बाटल्या नंतर अबकारी खात्याकडे सुपूर्द करण्यात आल्या आहेत. कारवाई (Action) केलेल्या तरुणांची नाव अनुज रावत (वय18), व राजन रावत (वय22) अशी आहेत. या विषयी पुढील तपास पोलिस करत आहेत.

दरम्यान, भूमापन आराखडा खोटी केल्याच्या आरोपावरून आणखी एका जमीन घोटाळ्यात फातोर्डा पोलिसांनी दोघांविरुद्ध गुन्हा दाखल केला आहे. पोलिस सूत्रांनी सांगितले की, या प्रकरणातील दोन आरोपी, मारियानो लॅब्रँचेस आणि प्रकाश सामंत यांनी उटोर्डा येथील मालमत्तेची जमीन सर्वेक्षण योजना बनावट बनवली आणि जमीन (land) नोंदणी अधिकार्‍यांसमोर विक्रीचे डीड करण्यासाठी मूळ म्हणून सादर केले होते.