Funny video of office hacks for a Goa trip

२०२४ वर्षातील डिसेंबरचे अखेरचे काही दिवस उरलेत, शालेय विद्यार्थ्यांसाठी नाताळच्या सुट्टया जवळ आल्यात त्यामुळे सर्वजण काही ना काही प्लानिंग करतायेत. विविध ठिकाणी काम करणाऱ्या कर्मचाऱ्यांना मात्र कामातून सुट्टी मिळत नाहीए. वर्षाअखेर, कामाचा व्याप त्यात वरिष्ठांकडून कामाचा रेटा सुरु आहे.

डिसेंबरमध्ये गोव्याला जाण्याचा हमखास प्लान अनेकजण करत असतात. यासाठी दोन ते तीन महिने अगोदरच प्लानिंग सुरु होते. पण, सर्वांनाच सुट्टी मिळेल का? नियोजन व्यवस्थित होईल का? असे प्रश्न असतात. बॉस काय कारण सांगून सुट्टी घ्यावी? असे प्रश्नही कर्माचाऱ्यांसमोर असतात. यावर काही कर्मचाऱ्यांनी भन्नाट पर्याय शोधून काढला आहे. याचा व्हिडिओ सध्या सोशल मिडियावर तुफान व्हायरल होतोय.

घरी कोणीतरी आजारी आहे. माझं हे दुखतंय, ते दुखतंय. कोणत्यातरी नातेवाईकाचे निधन झाले, अशी कारणं आता जुनी आणि रटाळवाणी झालीयेत. त्यामुळे एक कर्मचारी चक्क पायालाच मोठी दुखापत झाल्याचा बनाव करुन, मल्लमपट्टी करुन ऑफिसला जात आहे. कारमधून उतरल्यावर कर्मचारी एका पायावर चालू लागतो पण, चुकून तो दुखापत झालेल्या पायाने चालतो आणि चांगला पाय वर धरतो. सोबत असलेला मित्र त्याला डोक्यात टपली मारुन चुकीचा पाय वर धरल्याची आठवण करुन देतो.

दिलीप रेवकर नावाच्या व्यक्तीने हा मूळ व्हिडिओ प्रसिद्ध केला आहे. ऑफिसमधून तुम्ही मोठी सुट्टी घेण्यासाठी जाता तेव्हा... असे कॅप्शन देऊन त्याने हा व्हिडिओ इन्स्टाग्रामवरुन शेअर केला आहे. या व्हिडिओला मोठ्या प्रमाणावर शेअर करण्यात आला आहे. काहीजणांना त्याला गोव्यासाठी एक महिन्याची सुट्टी मंजूर करुन घेण्यासाठी केलेले देशी जुगाड असे म्हणत शेअर केला आहे.

डिसेंबरचा महिना संपण्यासाठी १० ते १२ दिवस शिल्लक आहेत. नव्या वर्षाचे स्वागत आणि सरत्या वर्षाला निरोप देण्यासाठी अनेकजण गोव्याला जाण्याचा प्लॅन करत आहेत. ज्यांना ऑफिसमधून सुट्टी मिळत नाहीए त्यांना हा व्हिडिओ लोक शेअर करत आहेत.