पेडणे: पेडणे पोलिस ठाण्याचे निरीक्षक विक्रम नाईक यांची बदली करू नये, अशी मागणी पेडणे तालुका विकास समितीचे अध्यक्ष व्यंकटेश नाईक आणि मोपा पीडित पंचक्रोशी जनसंघटनेचे पदाधिकारी बया वरक तसेच उदय महाले यांनी केली आहे. याबद्दल मुख्यमंत्र्यांना निवेदनही सादर केले जाईल.

निवडणूक काळात व पेडण्यातील विविध आंदोलनांवेळी नाईक यांनी यशस्वीपणे जबाबदारी पार पाडली. त्याचप्रमाणे कायदा व सुव्यवस्था राखण्यात ते‌ यशस्वी ठरले. तसेच तालुक्यात गेले काही दिवस नाईक यांनी विविध ठिकाणी छापे टाकून धडक कारवाई केली. किनारा पट्टीवरील बेकायदा संगीत पार्ट्या बंद केल्या आहेत.