काणकोण: काणकोण (Canacona) सामाजिक आरोग्य केंद्रातर्फे रविवारी 7 नोव्हेंबरला सकाळी 9 ते संध्याकाळी 1 वाजेपर्यंत एकाच दिवशी आठ ठिकाणी आयोजित केलेल्या करोना लसीकरणाच्या (Vaccination) दुसऱ्या महा अभियानाचा 238 रहिवाशांनी लाभ घेतला. या अभियानाअंतर्गत माटवेमळ येथे खोला पंचायत सभागृहात 30 आगोंदा उप आरोग्य केंद्रात 50,भाटपाल येथील उप आरोग्य केंद्रात 34 , पैंगीण उप आरोग्य केंद्रात 19 ,लोलये येथील ग्रामीण उप आरोग्य केंद्रात 11,गावडोंगरी येथील उप आरोग्य केंद्रात 32,खोतीगाव पंचायत सभागृहात 18, त्याचप्रमाणे काणकोण सामाजिक आरोग्य केंद्रात 44 रहिवाशांनी लसीकरण करून घेतले. अशा आठ ठिकाणी लसीकरण शिबिराचे आयोजन करण्यात आले.

काणकोणात आज पर्यत 55982 जणाना करोना लसीकरण

काणकोणात आज पर्यत55982 जणाना करोना लसीकरण करण्यात आले आहे.त्यामध्ये 31785 जणांनी लसीकरणाचा पहिला डोस,24197 लोकांनी दोन्ही डोस घेतले आहेत.18 ते 44 वयोगटातील 14969 लोकांना वसीकरणाचा पहिला डोस देण्यात आला आहे.स्तनपान करणाऱ्या 344 माताना, 56 दिव्यांग व्यक्तीना व 45 ते 59 वयोगटातील 8425 व्यक्तीना पहिला डोस देण्यात आला आहे.त्याशिवाय 1505 अन्य व्यक्तीना पहिला डोस देण्यात आला आहे.