वेश्याव्यवसायासंबंधीत आरोपीच्या हणजुण पोलिसांनी आवळल्या मुसक्या

शिवोली: बार्देशातील  बागा-हडफडें येथील टेकडीवर असलेल्या स्पाइस हिल्स या कॉटेज हॉटेलामध्ये शनिवारी मध्यरात्री हणजुण पोलिसांकडून (Hanjun Police) टाकण्यात आलेल्या छाप्यात वेश्याव्यसायाशी संबंधित प्रवीण निवृत्ती बोराटे (Praveen Nivruti Borate) (31) पंतनगर- घाटकोपर-मुंबई या प्रमुख दलालाच्या मुसक्या आवळल्या असून त्याची पाच दिवसांच्या रिमांडवर स्थानिक पोलिस कोठडीत रवानगी करण्यात आली आहे. दरम्यान, या प्रकरणात गुंतलेल्या चौघां परप्रांतीय तरुणींची सध्या मेरशीच्या सुधारगृहात रवानगी करण्यात आल्याची माहिती पोलिस निरीक्षक सुरज गांवस यांनी  दिली.

दरम्यान, राज्यातील पर्यटन हंगाम सुरू होत असल्याची संधी साधत वेश्याव्यसायाशी संबंधित अनेक परप्रांतीय दलाल किनारी भागात सक्रीय झाल्याची माहिती गुप्त सुत्रांकडून मिळाली असून याभागातील जाग्रुत लोकांनी यासंबंधात वेळीच स्थानिक पोलिस कक्षाशी संम्पर्क साधण्याचे आवाहन हणजुणचे पोलिस निरीक्षक सुरज गांवस यांनी जनतेला केले आहे. या कारवाईत हणजुण पोलिस स्थांनकाचे निरीक्षक सुरज गांवस यांच्या मार्गदर्शनाखाली महिला उप-निरीक्षक स्नेहा सावळ, हेड-कॉन्स्टेबल शामसुंदर पार्सेकर, विवेकानंद दीवकार, महिला कॉन्स्टेबल. प्रज्ञा नाईक, पुजा नाईक आदींंनी भाग घेतला. ही कारवाई शनिवारी रात्री साडेअकरा ते मध्यरात्री दीड पर्यत सुरु होती. यासंबंधात पुढील चौकशी निरीक्षक सुरज गांवस उत्तर गोवा पोलिस अधिक्षक शोबीत सक्सेना यांच्या मार्गदर्शनाखाली करीत आहेत....