पिसुर्ले : पर्ये मतदार संघात भारतीय जनता पक्षाची (BJP) उमेदवारी डॉ. दिव्या राणे यांना जाहीर झाल्यापासून त्यांच्या कार्यकर्त्यांत नवचैतन्य पसरले आहे. त्यामुळे आज त्यांच्या अनुपस्थितीत त्यांचे कार्यकर्ते विविध माध्यमातून प्रचार करीत असल्याचे दिसून येत आहे. त्याचाच एक भाग म्हणून आज होंडा जिल्हा पंचायत सदस्य सगुण वाडकर यांच्या उपस्थितीत भुईपाल प्रभागातील असंख्य कार्यकर्त्यांनी घरोघरी भेटी देऊन त्यांना भरघोस मतांनी विजयी करण्याचे आवाहन मतदारांना केले आहे.

या प्रचाराचा शुभारंभ सकाळी भुईपाल चेकपोस्ट येथून करण्यात आला, त्यानंतर भेडशेवाडा, डोबवडा व चोडणकर नगर या भागातील प्रत्येक घरांना भेटी देऊन पर्ये भाजप उमेदवार डॉ. दिव्या राणे यांच्या जाहीरनाम्याच्या प्रति वितरीत करण्यात आल्या. या वेळी महिला, युवक मोठ्या संख्येने सहभागी झाले होते. या मतदारांनी भरघोस प्रतिसाद देऊन या निवडणुकीत डॉ. दिव्या राणे यांना भरघोस मतांनी विजयी करण्याची ग्वाही दिली असल्याचे माहिती जिल्हा पंचायत (Panchayat) सदस्य सगुण वाडकर यांनी दिली आहे.