गेल्या काही दिवसांपासून गोवा राज्यात अमली पदार्थविरोधात पोलिसांनी कारवाई सुरु केली आहे. याला आता वेग आला असून पोलिसांनी कारवाईचा धडाका सुरु केला आहे. या पार्श्वभूमीवर आज कळंगुट पोलिसांनी कांदोळी येथे कारवाई करत सुमारे सात लाखाचा गांजा बाळगणाऱ्या दोघांना अटक केली आहे.

(calangute police arrested two persons at candolim in the possession of drugs)

मिळालेल्या माहितीनुसार या प्रकरणात कांदोळी येथे आज कारवाई केली. या कारवाईत पोलिसांनी आशिष कुमार झा, वय 27, सिरोही राजस्थान व राजन कुमार झा, राजस्थान या दोघा संशयितांना अटक करत त्यांच्यावर एनडीपीएस कायदा 1985 अन्वये गुन्हा दाखल केला आहे.

यावेळी त्यांच्याकडून 702 ग्रॅम वजनाचा चरस व 1.342 किलोग्रॅम वजनाचा गांजा जप्त केला आहे. याची किमत एकूण 6.90 लाख इतकी होते. यावेळी पोलिसांनी संशयितांचा आणखी कोणत्या गुन्ह्यात सहभाग आहे का? याचा तपास घेत असल्याची माहिती पोलिसांनी दिली. आरोपींना पकडण्याची ही यशस्वी मोहीम पीएसआय विराज नाईक, पीएसआय किरण नाईक, हेडकॉन्स्टेबल विद्यानंद आमोणकर यांच्या मार्गदर्शनाखाली पार पडली.