Arambol Accident

हरमल येथे झालेल्या भीषण अपघातात भावांचा मृत्यू झाल्याची धक्कादायक घटना शनिवारी (दि.17) समोर आली. कारच्या दरवाज्याला धडकून खाली पडल्याने दोघांच्या अंगावरुन ट्रक गेल्याने दोघेही गंभीर जखमी झाले होते.

उपचारादरम्यान साहिल आणि दीप नाईक यांचा मृत्यू झाला आहे. या घटनेमुळे हरमल गावावर शोककळा पसरली असून, शिवजयंतीचे सर्व कार्यक्रम रद्द करण्यात आले आहेत.

साहिल नाईक याचा उपचारादरम्यान मृत्यू झाला त्याच्या काही वेळानंतर बांबोळी येथील उपचाराधीन असलेल्या दीपचा देखील मृत्यू झाला.

भावांचा दुर्दैवी मृत्यू झाल्याने हरमल गावावर शोककळा पसरली आहे. गावकऱ्यांनी शिवजयंतीचे सर्व कार्यक्रम रद्द केले आहेत.

असा घडला अपघात

स्विफ्ट कारचा दरवाजा मध्येच उघडल्याने दुचाकीवरील दोन भावांची दरवाज्याला धडक बसून ते रस्त्यावर कोसळले. रस्त्यावर कोसळलेल्या दोघांच्या अंगावरुन ट्रक गेल्याने ते गंभीर जखमी झाले. अपघातानंतर कार चालकानंतर घटनास्थळावरून पळ काढला होता.

चालक ताब्यात, गावकऱ्यांचा पोलिस स्थानकावर मोर्चा

अपघातातील कार चालकाला पणजी पोलिसांनी ताब्यात घेतले आहे.

अपघातात दोघांचा मृत्यू झाल्याने गावकऱ्यांनी मांद्रे पोलिस स्थानकावर मोर्चा काढला असून, संशयितांना पोलिस स्थानकात घेऊन येण्याची मागणी करत आहेत.