फोंडा: वाडी- बोरी रस्त्यावर एकाने कार दुचाकीला धडकवून दुचाकीस्वाराच्या अंगावर गाडी घालण्याचा प्रयत्न केला. या प्रकारात दुचाकीस्वार गंभीर जखमी झाला असून त्याला इस्पितळात उपचारासाठी दाखल करण्यात आले आहे. हा प्रकार शनिवारी सकाळी दहाच्या सुमारास घडला.

वाडी येथील लवूकांत नाईक (वय ४४) याने आपण चालवत असलेल्या कारगाडीची धडक समोरून येणाऱ्या ब्रह्मानंद नाईक (वय ४०) तळावली येथे राहणाऱ्या इसमाच्या दुचाकीला दिली. या धडकेनिशी ब्रह्मानंद रस्त्यावर फेकला गेला, त्यानंतर लवूकांत नाईक याने ब्रम्हानंदच्या अंगावर गाडी घालण्याचा प्रयत्न केला.

पूर्ववैमनस्यातून हा प्रकार घडला असून ब्रह्मानंद नाईक हा गंभीर जखमी झाल्याने त्याला उपचारासाठी इस्पितळात दाखल करण्यात आले आहे. फोंडा पोलिसांनी लवूकांत नाईक याला अटक केली असून त्याच्या जीवे मारण्याचा प्रयत्न केल्याचा आरोप ठेवण्यात आला आहे. फोंडा पोलिस याप्रकरणी अधिक तपास करीत आहे.

एनडीपीएस प्रकरणात सशर्त जामीन मंजूर

अंमलीपदार्थ विरोधी कायद्यांतर्गत अटकेत असलेल्या एका संशयिताला अतिरिक्त सत्र न्यायालयाने सशर्त जामीन मंजूर केला आहे. यापूर्वी, न्यायालयाने संशयिताचा जामीन अर्ज फेटाळला होता मात्र, ताज्या सुनावणीत वैद्यकीय स्थिती आणि उच्च न्यायालयाचे दाखले लक्षात घेत हा निर्णय देण्यात आला.