पणजी: गोव्यात २० नोव्हेंबरपासून भारतीय आंतरराष्ट्रीय चित्रपट महोत्सवाला सुरुवात झाली आहे. महोत्सवात देश विदेशातील चित्रपटांचे प्रदर्शन होतेय. बॉलीवूड - हॉलीवूडच्या काही मोजक्या चित्रपटांचे इफ्फीत वर्ल्ड आणि एशिया प्रीमियर होतायेत. अभिनेत्री सान्या मल्होत्राच्या मिसेस चित्रपटाचा प्रीमियर पार पडला.

सान्या मल्होत्राच्या मिसेस चित्रपटाचा प्रीमियर पणजीतील आयनॉक्समध्ये पार पडला. या प्रीमियरला सान्या स्वत: हजर होती. प्रीमियरला जात असताना सान्याला मिडियाने रोखले पण, घाईत असलेल्या सान्या पुढे निघून गेली. दरम्यान, यावेळी तिने मिडियातील एका मित्राला तू चित्रपट पाहणार नाहीस का? असा प्रश्न विचारला. (bollywood actress Sanya Malhotra In iffi goa)

सान्या मल्होत्रा इफ्फीच्या उद्घाटन सोहळ्यापासून गोव्यात हजर आहे. उद्घाटन सोहळ्यात तिने सुरुवातीला रेड कार्पेटवर हजेरी लावली. त्यानंतर रात्री उद्घाटन सोहळ्यात विविध गाण्यावर सादरीकरण केले. गोव्यात इफ्फीतील क्षणचित्रांचा एक व्हिडिओ सान्याने पोस्ट केला आहे.

याशिवाय लापता लेडिजमुळे प्रसिद्धीच्या झोतात नितांशी गोएल देखील इफ्फीच्या रेड कार्पेटवर दिसून आली. नितांशी यावेळी चाहत्यांसोबत फोटो काढले व मिडियासाठी देखील काही पोझ दिल्यानंतर ती पुढील कार्यक्रमासाठी निघून गेली.

दरम्यान, गोव्यात २८ तारखेपर्यंत चालणाऱ्या भारतीय आंतरराष्ट्रीय चित्रपट महोत्सवासाठी अनेक दिग्गज कलाकार हजेरी लावत आहेत. जगभरातील सिनेरसिकांसाठी हा महोत्सव एक पर्वणी आहे.