वास्को: वास्को रेल्वे स्थानकाजवळ मालगाडी रूळावरून घसरल्यामुळे काही प्रमाणात रेल्वे सेवा विस्कळीत झाली. या प्रकारामुळे वास्को येथून पटना एक्स्प्रेस विलंबाने सुटणार असल्याची माहिती कोकण रेल्वे महामंडळाचे उपसरव्यवस्थापक (जनसंपर्क) बबन घाटगे यांनी दिली.

बुधवारी संध्याकाळी ७ वा. वास्को स्थानकावर येणारी हावडा एक्स्प्रेस रात्री ९ वाजले तरी आली नव्हती. तसेच वास्कोतून सुटणाऱ्या यशवंतपूर ट्रेनला दोन तास उशीर झाला. काम वेळेवर पूर्ण झाल्यास रेल्वे सेवा पूर्ववत होईल, असे सूत्रांनी सांगितले.रात्री उशिरापर्यंत सेवा पूर्ववत सुरू करण्याचे काम चालू होते.