Bicholim News: उत्तर गोव्यातील डिचोली तालुक्यातील लाटंबार्से येथील चिरेखाणीवर डिचोलीच्या मामलेदारांनी छापा टाकला. येथे अवैधरित्या काम सुरू होते. या कारवाईत घटनास्थळावरून जनरेटर, पॉवर टिलर जप्त करण्यात आला आहे.
डिचोली मामलेदार राजाराम परब यांच्या नेतृत्वाखालील भरारी पथकाने शुक्रवारी हा छापा टाकला. यात खाण विभागातील सहाय्यक जिओलॉजिस्ट नितीन आतोसकर, तलाठी राजेंद्र नाईक, फाटगो पालकर आणि डिचोली पोलिस ठाण्यातील पोलिसांचा समावेश होता.
लाटंबार्से येथील सर्व्हे क्रमांक 655/0 येथे अवैधरित्या चिरेखाणींचे उत्खणन सुरू होते. यावेळी कटर जोडलेला पॉवर टिलर, स्टोन कटर, जनरेटर, चिरे, असे साहित्य जप्त केले आहे. जप्त केलेला मुद्देमाल पोलिसांकडे सुपूर्द करण्यात आलेला आहे. या प्रकरणी अधिक तपास केला जात आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.