डिचोली: राज्यात (Goa) सध्या गाजत असलेल्या कथित 'जॉब स्कॅम' (Job Scam) प्रकरणाची चौकशी करा. अशी डिचोली गट काँग्रेसतर्फे (Congress) करण्यात आली असून, तसे निवेदनही काँग्रेसतर्फे डिचोली पोलिसाना दिले आहे. अलीकडेच काँग्रेस प्रवेश केलेले महेश महांबरे यांच्या नेतृत्वाखाली मनोज नाईक, फिरोज बेग आणि मुस्तफा बेग यांचा समावेश असलेल्या शिष्टमंडळाने डिचोली पोलिस (Bicholim Police) स्थानकात जाऊन हे निवेदन दिले. नोकर भरती घोटाळ्याची मुख्यमंत्री डॉ. प्रमोद सावंत (CM Pramod Sawant) यांनी सखोल चौकशी करावी. अशी मागणी महेश महांबरे यांनी नंतर पत्रकारांशी बोलताना केली.

चौकशीस टाळाटाळ

सार्वजनिक बांधकाम खात्यात पैशांची लाच घेऊन नोकर भरती झाली असून, संबंधित खात्याच्या मंत्र्यांनी करोडो रुपयांचा घोटाळा केला आहे. असा आरोप दोन दिवसांपुर्वी पणजीचे आमदार बाबूश मोंसेरात यांनी केला आहे. हा घोटाळा त्यांनी मुख्यमंत्री डॉ. सावंत यांच्या निदर्शनास आणून दिला आहे. मात्र या प्रकरणी पुढील कोणतीच चौकशी करण्यात आलेली नाही. त्याबद्दल महांबरे यांनी नाराजी व्यक्त करून याप्रकरणाची दक्षता खात्यातर्फे चौकशी करावी. अशी मागणी केली.