Goa Govt. Jobs: गोवा सरकार नोकऱ्या विकत आहे. उपमुख्यमंत्री बाबू कवळेकर (Deputy CM Babu Kavlekar) यांनी केलेल्या जाहिर वक्तव्यातून हे स्पष्ट झाले आहे. या प्रकरणाची लोकायुक्तांनी स्वेच्छा दखल घ्यावी, यासाठी आपण प्रयत्न करणार आहे. असा इशारा कॉंग्रेसचे नेते (Goa Congress Leader) एल्वीस गोम्स यांनी आज दिला. आज पणजी येथे घेतलेल्या पत्रकार परिषदेत गोम्स बोलत होते. यावेळी एनएसयुआयचे गोवा अध्यक्ष नौशाद चौधरी व पणजीचे नगरसेवक जोयेल आंद्राद उपस्थित होते.
कवळेकर यांनी एका कार्यक्रमात बोलताना काही आमदार व मंत्री नोकऱ्या विकतात, आपण तसे करत नाही. असे म्हटल्याचे सांगून यावरुन राज्यात नोकऱ्या विकल्या जात असल्याचे सिध्द होत असल्याचा आरोप गोम्स यांनी यावेळी केला. भाजपच्या एका सरकारने नोकर भरती आयोग स्थापन केला व दुसऱ्या सरकारने त्याचे अधिकार काढून घेतले. गेली चार वर्षे गप्प बसून आता निवडणुकीच्या तोंडावर मोठ्या प्रमाणात नोकर भरती करणे (Recruiting in the face of elections) ही संशयास्पद गोष्ट आहे. कारण सर्व प्रक्रिया पूर्ण करणे पाच महिन्यात शक्य नाही. असा दावाही गोम्स यांनी यावेळी केला.
जेनीमा पिंटोसह इतर दोन महिलांनी न्यायालयात लढा जिंकून नोकऱ्या प्राप्त केल्या होत्या, तशी पाळी गोव्यातील बेरोजगारवर येऊ शकते. असे सांगून मागील काळात ३२ युवांवर झालेला अन्याय अद्याप निस्तरला गेला नाही. असेही गोम्स यांनी यावेळी नमूद केले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
