मडगाव: गोव्यात रेल्वेतून पार्सलद्वारे आलेल्या बीफची पाळेमुळे दिल्लीत असून, दिल्लीला तपासासाठी गेलेल्या कोकण रेल्वे पोलिसांना काही महत्त्वाचे धागेदोरे सापडले आहेत.
पोलिस पथक गोव्यात परतले आहे. दिल्लीतून गोव्यात अनेकदा बीफ पुरवठा केला जात असून तेथील बीफ माफियांचा या तस्करीला वरदहस्त असल्याचे आढळून आले आहे. लवकरच या सर्व बाबींचा पर्दाफाश होण्याची पोलिसांना आशा आहे. दिल्लीला गेलेल्या या पथकाने तेथील रेल्वे पार्सल कार्यालयाचे कमिशनर, अधीक्षक यांचीही जबानी नोंद करून घेतली आहे.
कोकण रेल्वे पोलिसांनी नवी दिल्लीतून हजरत रेल्वे स्टेशन येथून रेल्वेतून मडगावात आलेल्या पार्सलमधील १ लाख ५४ हजारांचे बीफ जप्त केले होते. चिकन पार्सलचे लेबल लावून एकूण ५१४.५ किलो बीफ पार्सलमधून आले होते. हे पार्सल गोव्यात रेल्वेतून पाठवून देण्यात आले होते. मडगाव रेल्वे स्थानकात या पार्सलची डिलिव्हरी घेण्यासाठी फय्याज अहमद मोहम्मद हनीफ केनगेनावर हा आला असता त्याला नंतर कोकण रेल्वे पोलिसांनी अटक केली होती.
फय्याज हा रेल्वेतून पार्सलमधून आलेले बीफ गोव्यात अन्य ठिकाणी जाऊन त्याची डिलिव्हरी करत होता, असेही आतापर्यंतच्या तपासात उघड झाले आहे. सध्या तो जामिनावर सुटला आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.