उत्तर गोव्यातील बार्देश तालुक्यात उद्या दिनांक 6 पासून डिसेंबर एक आठवडाभर वीजपुरवठा खंडित केला जाणार असल्याची माहित नुकतीच विद्युत विभागाने दिली आहे. या काळात आवश्यकतेनुसार लोडशेडिंग केले जाणार असल्याचे ही विद्युत विभागाने म्हटले आहे.

(Bardez Taluka will be power outage from December 6 to 12)

मिळालेल्या माहितीनुसार बार्देज तालुक्‍याला पॉवर ग्रीडद्वारे केला जाणारा वीजपुरवठा वीजवाहिनी दुरुस्ती करणे आवश्यक असल्याने ठराविक वेळेत खंडीत केला जाणार आहे. यामध्ये दुरुस्ती कारणास्तन म्हापसा केंद्रावर ( Kholhapur- Mapusa Line 2 circuit ) दुरुस्ती केली जाणार आहे.

दिनांक 6 ते 12 डिसेंबर या कालावधीत वीजपुरवठा खंडीत करण्यात येणार आहे. तसेच विज बंद असण्याची वेळ सकाळी 6 ते सायंकाळी 5 वाजेपर्यंत असेल अशी माहित विद्युत विभागाने दिली आहे.

विद्युत विभागाने दुरुस्तीच्या काळात संपूर्ण विजभार एका सर्किटमधून पुरवणे आवश्यक असल्याने आवश्यकतेनुसार लोडशेडिंग करावे लागणार असल्याची ही माहिती देताना म्हटले आहे. त्यामुळे दिलेल्या वेळेत काहीसा बदल होण्याची शक्यता वर्तवण्यात येत आहे. असे असले तरी इतर वेळी वीजपुरवठा सुरळीत असल्याने नागरीकांना पाणी पुरवठा अथवा इतर लाईटवर अवलंबून असणारी कामे वेळेच्या मर्यादा पाळत पुर्ण करता येणार आहेत.