Banastarim Bridge Accident: बाणस्तारी अपघात कोर्टाने संशयित आरोपी मर्सिडीज कार मालकीण मेघना सावर्डेकर हिला चांगलाच दणका दिला आहे. मुंबई उच्च न्यायालयाच्या गोवा खंडपीठाने दिलेल्या निर्देशानुसार, अपघातातील मृत कुटुंबियांना भरपाई व जखमींवरील उपचारासाठी 2 कोटी दोन आठवड्यात न्यायालयात जमा करण्यास सांगितले आहे.

माहितीनुसार, मृतांच्या कुटुंबियांना प्रत्येकी 50 लाख रुपये तर तीन जखमीना प्रत्येकी 25 लाख देण्याचे निर्देश देण्यात आले आहेत. ही रक्कम 6 सप्टेंबरपर्यंत जमा करण्यास सांगितली आहे.

म्हार्दोळ पोलिसांनी मेघनाला बजावलेले समन्स कालबाह्य ठरल्याने त्याची कार्यवाही केली जाणार नसल्याची पोलिसांची खंडपीठात माहिती देण्यात आली. समन्सला आव्हान दिलेल्या तिच्या अर्जावरील सुनावणी पुढील सुनावणीपर्यंत तहकूब करण्यात आली.