Babu Ajgaonkar: आगामी विधानसभा निवडणूक आपण पेडणे मतदारसंघातून लढवणार असल्याचे माजी मुख्यमंत्री बाबू आजगावकर यांनी पेडणे येथे ते एका कार्यक्रमाला आले असता पत्रकारांना सांगितले.

ते म्हणाले की, पेडणे मतदारसंघात मी मोपा विमानतळ, आयुष इस्पितळ प्रकल्प हे रोजगार निर्मिती करण्यासाठी आणले. मात्र, रोजगार निर्मिती व्हायला पाहिजे तशी झाली नाही. जे आमदार आहेत त्यांनी त्यासाठी पुढाकार घ्यावा.

या प्रकल्पावर पेडणेकरांना योग्य त्याप्रमाणात स्थान मिळाले नाही. त्यांना स्थान मिळण्यासाठी आणि अपुरे राहिलेले काम पुढे नेण्यासाठी आपण परत पेडण्यात येणार असून आपण पेडणे मतदारसंघातून विधानसभा निवडणूक लढवणार आहे.

लोकांचा आपल्याला पूर्ण पाठिंबा असून अनेक लोक आपल्याला परत पेडण्यात येण्यासाठी आग्रह धरत असल्याचे यावेळी बाबू आजगावकर म्हणाले. ते पुढे म्हणाले, मुख्यमंत्री डॉ. प्रमोद सावंत चांगले काम करत आहेत. ते योग्य तो न्याय बहुजन समाजातील लोकांना मिळवून देणार याचा आपल्याला विश्वास आहे.

भाजपने आपल्याला पेडण्यातून तिकीट नाकारले आणि मडगाव येथे निवडणूक लढविण्यास सांगितले. पक्षाचा आदेश मानला. पेडणे मतदारसंघात अनेक प्रश्न प्रलंबित आहेत ते आता आपण परत येऊन सोडविणार आहे.