उत्तर गोव्यातील अनेक पोलीस ठाण्यांनी त्यांच्या हद्दीत असलेल्या बेवारस वाहनांची यादी जिल्हाधिकारी कार्यालयाला सादर केली आहे. त्यानुसार, जिल्हाधिकार्‍यांनी संबंधित वाहनांच्या मालकांना वाहने घेऊन जाण्याचे आवाहन केले आहे, अन्यथा या वाहनांचा लिलाव केला जाईल. ही वाहने कळंगुट, हणजुणे,डिचोली, म्हावळींगे, पेडणे, जुने गोवा आणि म्हापसा या क्षेत्रांत आहेत.

ही वाहने डासांच्या उत्पत्तीसाठी कारणीभूत ठरत आहेत, ज्यामुळे साथीचे रोग पसरत आहेत. परिणामी पोलिस स्टेशनचे कर्मचारी आणि पोलिसांकडे (Police) जाणाऱ्या लोकांच्या आरोग्याला (Health) धोका निर्माण झाला आहे. "वाहनांसाठी (Vehicles) इच्छुक असलेल्यांना जिल्हाधिकाऱ्यांनी सहा महिन्यांच्या आत त्यांचे दावे सादर करण्याचे आवाहन केले आहे, अन्यथा कायद्यानुसार वाहनांचा सार्वजनिक लिलाव (Auction) करण्यात येईल आणि यापुढील कोणत्याही दाव्याची दखल घेतली जाणार नाही,” नोटीसमध्ये म्हटले आहे.

ओळखल्या गेलेल्या सर्व वाहनांची यादी उपजिल्हाधिकारी आणि उपविभागीय दंडाधिकारी, म्हापसा यांच्या कार्यालयात उपलब्ध आहे.