Atal Setu Closure: मांडवी नदीवरील अटल सेतू 31 मार्चपर्यंत रात्री वाहतुकीस बंद राहणार आहे. उत्तर गोवा जिल्हाधिकारी यांनी यासंदर्भातील आदेश जारी केले आहेत.

दुरुस्तीच्या कामामुळे अटल सेतू 09 ते 31 मार्चपर्यंत रात्री वाहतुकीस बंद राहणार आहे. रात्री 10 वाजल्यापासून पहाटे 05 वाजेपर्यंत सात तासांसाठी या पुलावरील वाहतुक बंद राहणार आहे. असे जिल्हाधिकाऱ्यांच्या आदेशात म्हटले आहे.

अटल सेतूवर वारंवार अपघात होत होते. पुलावरील डांबर उखडून गेल्यामुळे काही प्रमाणात खड्डे निर्माण झाले आहेत. त्यामुळे प्रशासनाने तातडीने ही दुरूस्ती हाती घेतली आहे.

यापूर्वी जुना आणि नवीन मांडवी पुल देखील बंद करण्यात आले होते.

दुरूस्तीच्या कामानिमित्त यापूर्वी नदीवरील जुना आणि नवीन मांडवी पुल देखील बंद करण्यात आला होता. दुरूस्ती आणि देखभालीच्या कामानिमित्त रात्रीच्या वेळेत या मार्गावरील देखील वाहतूक बंद ठेवण्यात आली होती.