Cricket Betting Goa Dainik Gomantak
गोवा

Cricket Betting Goa: आसगाव येथे आयपीएलच्या सट्टेबाजीवर पोलिसांचा छापा, सातजणांना अटक; 6 लाखांचा मुद्देमाल जप्त

IPL Betting Raid Assagao: आसगाव येथे आयपीएल क्रिकेट सामन्यावर बेकायदेशीररीत्या सट्टा लावणाऱ्या एका टोळीचा हणजूण पोलिसांनी पर्दाफाश केला.

गोमंतक ऑनलाईन टीम

म्हापसा: आसगाव येथे आयपीएल क्रिकेट सामन्यावर बेकायदेशीररीत्या सट्टा लावणाऱ्या एका टोळीचा हणजूण पोलिसांनी पर्दाफाश केला. ९ मे रोजी मध्यरात्री १२.१५ ते पहाटे ३.३० वा.च्या सुमारास आसगाव येथील रेसिडेन्सीमधील एका सदनिकेवर हा छापा टाकण्यात आला.

मिळालेल्या माहितीनुसार, आसगाव येथील एका फ्लॅटमध्ये दिल्ली कॅपिटल्सविरुद्ध कोलकाता नाईट रायडर्स या आयपीएल सामन्यावर आणि इतर ऑनलाइन खेळांवर सट्टा लावला जात असल्याची गोपनीय माहिती पोलिसांना मिळाली होती.

या माहितीच्या आधारे पोलिसांनी केलेल्या कारवाईत निखिल जेठानंद पोपतानी (पुणे), विकी ब्रिजभम विश्वकर्मा (उल्हासनगर), कमलेश भवनदास भाखरू (वडोदरा), नवीन रतनलाल तलरेजा (उल्हासनगर), राहुल दिनेश शामदासानी (उल्हासनगर), रोहित महेशलाल कंजम (उल्हासनगर) आणि भरत धर्मेशभाई नामानी (वडोदरा) या सात संशयितांना रंगेहाथ पकडले.

या छाप्यात पोलिसांनी संशयितांकडून ८ मोबाईल फोन आणि एक टेलिव्हिजन संच, असा एकूण ६ लाख रुपये किमतीचा मुद्देमाल जप्त केला. हे सर्व संशयित मोबाईलद्वारे ऑनलाइन जुगार आणि सट्टेबाजीच्या हालचाली करत असल्याचे तपासात समोर आले आहे.

कारवाई यशस्वी

उत्तर गोव्याचे पोलिस अधीक्षक हरिश्चंद्र मडकईकर, म्हापसा उपविभागीय पोलिस अधिकारी सलीम शेख आणि हणजूण पोलिस निरीक्षक सूरज गावस यांच्या मार्गदर्शनाखाली पीएसआय नितेश शिंगाडी, हवालदार शामसुंदर, पोलिस कॉन्स्टेबल प्रकाश पोळेकर, गौरेश रेडकर, गुरुदास सांगेलकर आणि कल्पेश दाभोळकर यांच्या पथकाने ही कारवाई यशस्वीरित्या पार पाडली. या प्रकरणाचा पुढील तपास हणजूण पोलिस करत आहेत.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Sandpapergate Scandal: 'उस्मान ख्वाजा सर्वात मोठा गद्दार', सँडपेपरगेट प्रकरणावरुन डिव्हिलियर्सचा संताप; क्रिकेटची बदनामी केल्याचा आरोप

Goa Spice Cultivation: जायफळ, वेलची, काळी मिरीला बाजारात मागणी; गोव्यात मसाला पिकांकडे शेतकऱ्यांचा वाढता कल

Accident News: दोन महिन्यांपूर्वी घेतली कार, 100च्या स्पीडमध्ये 20 फूट हवेत उडून झाडावर आदळली… भीषण अपघातात 7 तरुणांचा मृत्यू

Mohammed Siraj Selection: मोहम्मद सिराजला प्लेइंग-11 मधून वगळण्यावरुन राजकीय वादंग! काँग्रेस नेत्याने तोडले तारे; म्हणाले, 'नावामुळे भेदभाव...' VIDEO

Under 16 Cricket: गोव्याचा पहिला डाव 97 धावांत आटोपला; कर्नाटकने पहिल्याच दिवशी 127 धावांची आघाडी घेत वर्चस्व गाजवले

SCROLL FOR NEXT