पणजी: हडफडे–नागवा भागातील सर्वे क्रमांक १५८/१ आणि १५९/१ या इको सेन्सिटिव्ह झोन भागात सुरिंदर कुमार खोसला यांनी ‘बर्च बाय रोमियो लेन’ नावाचे बेकायदेशीर बांधकाम उभे केल्याची तक्रार प्रदीप घाडी आमोणकर आणि सुनील दिवकर यांनी ११ मार्च २०२४ रोजी पंचायत खाते आणि २४ नोव्हेंबर २०२५ रोजी किनारी क्षेत्र व्यवस्थापन प्राधिकरणाकडे (सीझेडएमए) केली होती.
त्यानंतर हडफडे–नागवा पंचायतीने हे बांधकाम १५ दिवसांत पाडण्याचा आदेशही जारी केला होता. परंतु, ‘सीझेडएमए’ने हे बांधकाम कायदेशीर असल्याचा निवाडा दिलेला होता.
‘बर्च बाय रोमियो लेन’ क्लबमधील घटनेची चर्चा देशभर सुरू आहे. या क्लबच्या बांधकामाविरोधात आमोणकर आणि दिवकर यांनी पंचायतीसह ‘सीझेडएमए’कडे तक्रार करूनही तक्रारींची गंभीर दखल न घेतल्याचे समोर आले आहे.
१. ‘बर्च बाय रोमियो लेन’ क्लबचे बांधकाम ‘इको सेन्सिटिव्ह झोन’ मध्ये झालेले आहे. या बांधकामामुळे तेथील कृषी जमीन आणि मिठागरांची हानी झालेली आहे. शिवाय खोसला यांनी सर्वे क्रमांक १५८ मध्ये बेकायदेशीररीत्या जी बांधकामे उभारली आहेत,
त्या आस्थापनांमधील सांडपाणी बागा नदीत सोडण्यात येत आहे. त्यामुळे ही बांधकामे तत्काळ जमीनदोस्त करण्यात यावी, अशी मागणी आमोणकर आणि दिवकर यांनी केली होती.
२. या मागणीनंतर पंचायतीने खोसला यांना १५ दिवसांत संबंधित बांधकामे पाडण्याचा आदेश दिलेला होता. परंतु, या आदेशाला खोसला यांनी पंचायत खात्यात आव्हान देऊन स्थगिती मिळवलेली होती.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.