कोरोनामुळे संपूर्ण देशभरात आस्थापने बंद झाली होती. यामध्ये शाळा-कॉलेजसह आणि अंगणवाड्या देखील बंद होत्या. यामुळे अंगणवाडी कर्मचाऱ्यांना अनेक हाल अपेष्टांना सामोरे जावे लागले. पण आता गोव्यातील अंगणवाड्या लवकरच सुरू होणार आहेत.

येत्या 1 जुलैपासून गोव्यातील अंगणवाड्या उघडणार आहेत. राज्यातील सर्व अंगणवाडी केंद्रांना डॉक्टर नियमितपणे भेटीदेखील देणार आहेत. हा निर्णय केंद्रीय महिला व बाल कल्याण मंत्रालयाशी चर्चा करूनच घेतला असल्याचे मंत्री विश्वजित राणे यांनी सांगितले आहे.