मुख्यमंत्र्यांनी अंगणवाडी सेविकांना सेवेत घेण्यासाठी गेले चाळीस हून अधिक सुरु असलेले उपोषण आता थांबले आहे. कारण गोवा सरकारने याबाबत स्पष्टता दिली असून या सेविकांना सेवेत घेतले जाणार असल्याचे म्हटले आहे. सेविकांनी याबाबत स्पष्ट करताना म्हटले आहे की, गोवा सरकारने याबाबत आम्हांला सेवेत घेणार असल्याचे सांगितले आहे. त्यामूळे हे उपोषण आम्ही मागे घेत आहोत.

सद्या सुरु असलेल्या राज्याच्या विधानसभा अधिवेशनात हा प्रश्न चांगलाच गाजला होता. यावरुन गोवा सरकारने गेले चाळीस दिवस सूरु असलेल्या उपोषणावरुन चांगलेच धुमशान उडाले होते. यामूळे गोवा सरकारने हा प्रश्न तातडीने निकाली काढला असून याबाबत मंत्री विश्वजित राणे यांनी सांगितले की, अंगणवाडी सेविकांचे जे प्रश्न होते ते शासनाने सोडवले आहेत. त्यामूळे बरेच दिवस सूरु असलेले उपोषण अंगणवाडी सेविकांनी मागे घेतले आहे.

अंगणवाडी सेविकांनी आज रात्री 8.50 वाजता याबाबत माहीती दिली. यावेळी त्या म्हणाल्या की, ज्या समस्यांकरता आम्ही हे उपोषण केले होते. त्या मागण्या गोवा सरकारने मान्य केल्या आहेत. तसेच आम्हाला सेवेत घेतले जाणार असल्याची शाश्वती ही दिली आहे. त्यामूळे हे उपोषण आम्ही संपवत आहोत.

गोवा विधानसभेत सुरु असलेल्या अधिवेशनात गोव्याचे माजी मुख्यमंत्री दिगंबर कामत तसेच गोवा फॉरवर्ड पार्टीचे नेते तसेच गोवा विधान सभा सदस्य विजय सरदेसाई यांनी हा मुद्दा लावून धरल्याने मुख्यमंत्री प्रमोद सावंत यांनी या समस्या सोडवण्यासाठी पुढाकार घेतला व हा प्रश्न निकाली काढला. त्यामूळे अंगणवाडी सेविकांचा जीव भांड्यात पडला आहे.