Majorda Junction: माजोर्डा रेल्वे स्टेशन जवळ व रेल्वे रुळाच्या बाजुला रेल्वे खात्यामार्फत दुरुस्ती व सिमेंटची भिंत बांधण्याचे काम सुरु केले आहे. त्यामुळे सर्वत्र माती व कचरा तिथेच टाकण्यात आलेला आहे. यावरुन माजोर्डा नागरीकांमध्ये संभ्रम निर्माण झाला आहे. माजोर्डातील नागरीक या ठिकाणी जमा झाले व त्यानी कामाला विरोध दर्शविला.

माजोर्डा, उतोर्डा, कलाता जैव विविधता व्यवस्थापन समितीच्या चेअरमन करेन ब्रागांझा यांनी सांगितले की, 'विकास कामांना आमचा मुळीच विरोध नाही. पण ही कामे निसर्ग किंवा पर्यावरणाची वाट लावून आम्हाला नको आहे. पावसाळ्यापूर्वी रेल्वे अधिकारिणीने ही माती तसेच कचरा उचलावा.'

नाहीतर पावसाळ्यात पूरग्रस्त परिस्थिती उदभवण्याची शक्यता तसेच रस्त्यावर मातीचे थर होतील, रेल्वे रस्त्याच्या दुसऱ्या बाजुला जी तळी आहे ती प्रदुषित होण्याची भिती व्यक्त केली. आम्ही रेल्वे अधिकारिणीला पत्र लिहीले असून त्यांच्याकडुन अजून उत्तर आलेले नाही. जिल्हाधिकाऱ्याने मात्र संयुक्त पहाणी करण्यास सांगितले आहे.