बेकायदेशीर घरांना क्रमांक देण्याच्या मुद्द्यावरून जो वाद निर्माण झाला आहे त्या वादग्रस्त अशा 165 घरांची उद्या 12 जानेवारी रोजी दवर्ली पंचायती कडून पाहणी ठेवण्यात आली आहे. यावेळी कुठलाही अनुचित प्रकार घडू नये यासाठी कडक पोलीस बंदोबस्त ठेवण्यात येणार आहे.

दवर्लीचे सरपंच हर्क्यूलान नियासो यांनी ही माहिती दिली. ही घरे बेकायदेशीर असून शेत जमिनीसाठी राखीव असणाऱ्या जमीनीवर अतिक्रमण करून ती बांधण्यात आल्याची तक्रार जमीन मालक वेर्लेकर यांनी केली होती. त्या तक्रारीला अनुसरून ही पाहाणी ठेवण्यात आल्याची माहिती त्यांनी दिली.

या घरांना क्रमांक देण्याच्या मुद्द्यावरून माजी उप मुख्यमंत्री बाबू आजगावकर आणि सरपंच नियासो यांच्यात वाद झाला होता. ही घरे जरी बेकायदेशीर असली तरी पंचायत कायद्यातील दुरुस्ती नुसार त्यांना क्रमांक देणे बंधनकारक असल्याचा दावा आजगावकर यांनी केला होता तर अजगावकर यांनी या घराची मालकी त्या लोकाकडे आहे याचा कागदोपत्री पुरावा सादर करावा आम्ही त्यांना घर क्रमांक देण्यास तयार आहोत अशी भूमिका नियासो यांनी घेतली होती.

या बेकायेशीर घरावर कारवाई करा आसा आदेश नगर नियोजन मंत्री विश्वजीत राणे यांनी दिला होता.