मडगाव : शेतकऱ्यांसमोर येणाऱ्या समस्यांवर गाव पातळीवरच तोडगा काढावा यासाठी कृषी खात्याने पंचायतींना भेटी देण्याचा कार्यक्रम सुरू करण्याचे ठरविले असून त्यानुसार पुढच्या आठवड्यापासून कृषी अधिकारी आठवड्यात एकदा पंचायतीला भेट देऊन शेतकऱ्यांशी संपर्क साधणार आहे.
सासष्टी व मुरगावचे विभागीय कृषी अधिकारी शेरीफ फुर्तादो यांनी ही माहिती दिली. दोन्ही तालुक्यातील सर्व पंचायतीमध्ये ही योजना राबविण्यात येणार असून दर पंचायतीसाठी आठवड्याचा दिवस ठरविण्यात येणार असल्याचे त्यांनी सांगितले.
हे अधिकारी शेतकऱ्यांसाठी सरकारच्या ज्या योजना आहेत त्यांची माहिती देण्याबरोबरच शेतकऱ्यांना कृषी कार्डे तयार करून द्यायची असल्यास ती देणार आहेत. त्याशिवाय जर कुणाच्या शेतीची किंवा लागवडीचे नुकसान झाले असल्यास त्याची पाहणी करून त्या शेतकऱ्याला त्वरित नुकसान भरपाई कशी मिळू शकेल त्यासाठी मदत करतील असे फुर्तादो यांनी सांगितले.
सध्या येथील कृषी कार्यालयात शेतकऱ्यांना खते आणि बियाणी देण्यास सुरुवात झाली असून शेतकऱ्यांनी ती घेण्यासाठी कार्यालयाबाहेर रांगा लावल्याचे दिसून येत होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.