Goa Crime News: आपल्या अनैतिक संबंधात बाधा येत असल्याने आपलाच पती बसवराज ऊर्फ बस्सू बर्की (38) याचा आपल्या मित्रांच्या साहाय्याने खून करून नंतर त्याच्या मृतदेहाची विल्हेवाट लावण्याचा आरोप असलेल्या कल्पना बर्की (31) हिला तब्बल पाच वर्षांच्या तुरुंगवासानंतर मुंबई उच्च न्यायालयाने काल जामिनावर मुक्त केले.
खून केल्यानंतर बसवराजच्या शरीराचे तुकडे पोत्यात भरून ते दुधसागर येथे फेकल्याचा आरोप असलेल्या पाच संशयित आरोपींपैकी कल्पना बर्की हिला अनेक अटी घालून 30 हजारांच्या जामिनावर सोडण्याचा आदेश देण्यात आला आहे.
खुनाची ही घटना 2 एप्रिल 2018 रोजी कुडचडे परिसरात घडली होती. मात्र हा प्रकार 8 एप्रिल रोजी उघडकीस आला होता.
मयताची पत्नी कल्पना बर्की (31), सुरेश कुमार सोळंकी (28, कुडचडे), अब्दुल करीम शेख (25, काकोडा), पंकज पवार (45, मडगाव) व आदित्य गफार (नवी दिल्ली) हे या खून प्रक़रणातील संशयित आरोपी आहेत.
अनैतिक संबंधातून काढला काटा
बसवराज याचा खून केल्यानंतर त्याच्या मृतदेहाचे तुकडे करून ते वेगवेगळ्या गोणपाटात भरले व दूधसागर येथील घनदाट रानात फेकून दिले होते. बसवराज हा उत्तर गोव्यात टॅक्सीचालक म्हणून काम करीत होता आणि सुमारे 15 दिवसांनी तो कुडचडे येथे आपल्या पत्नीकडे यायचा.
आपल्या पत्नीचे अन्य कोणाशी सूत जमल्याचा संशय आल्यामुळे बसवराज व त्याच्या पत्नीचे नेहमी वाद व्हायचे. प्रेमात अडथळा ठरत असलेल्या आपल्या पतीचा काटा काढण्याचा निर्णय कल्पना बर्की हिने घेतला व आपल्या सहकाऱ्यांच्या साहाय्याने तो पूर्ण केला, असेही आरोपपत्रात म्हटले आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.