After Congress allegations Goa government withdrew recruitment order Dainik Gomantak
गोवा

कर्मचारी भरतीचा आदेश मागे! काँग्रेसच्या आरोपानंतर गोवा सरकारला आली जाग

या आदेशामुळे सध्या नोकर भरती प्रक्रियेत सामील झालेल्या उमेदवारांमध्ये गोंधळ उडाला होता.

दैनिक गोमन्तक

पणजी: सरकारी खात्यात तसेच स्वराज्य स्थानिक संस्था व महामंडळातील रिक्त पदांवर ‘क’ व ‘ड’ वर्गातील कर्मचाऱ्यांची भरती मनुष्यबळ विकास महामंडळामार्फत केली जाईल, असा सरकारतर्फे काढलेला आदेश मागे घेण्यात आला. या आदेशामुळे विविध खात्यात सध्या सुरू असलेल्या नोकर भरतीसंदर्भात अर्ज केलेल्या युवकांमध्ये संभ्रम निर्माण झाला होता. त्यामुळे सरकारने हा आदेश मागे घेऊन विरोधकांची तोंडे बंद केली.

सरकारने 12 नोव्हेंबरला आदेश जारी करून कारकून, संदेशवाहू, चालक, स्टेनो टायपिस्ट, सचिव, साहाय्यक, डेटा एन्ट्री ऑपरेटर तसेच ऑफिसबॉय ही पदे मनुष्‍यबळ विकास महामंडळामार्फत भरण्यात येतील, असे नमूद केले होते. या आदेशामुळे सध्या नोकर भरती प्रक्रियेत सामील झालेल्या उमेदवारांमध्ये गोंधळ उडाला होता. काँग्रेसने याविरुद्ध सरकारची भूमिका युवकांसमोर मांडत सरकार युवकांना फसवत आहे, याचा पर्दाफाश केला होता.

यासंदर्भात 15 नोव्हेंबरला मुख्यमंत्र्यांनी स्पष्टीकरण दिले. आदेश सध्या सुरू असलेल्या नोकर भरतीसाठी लागू नसेल तर जे कर्मचारी रजेवर जातात व तेथे कर्मचाऱ्यांची अडचण होते त्या ठिकाणी महामंडळामार्फत त्यांच्याकडे असलेल्या यादीतील उमेदवारांची वर्णी लावली जाईल. मात्र, त्यांच्या स्पष्टीकरणानंतरही काही आमदारांनी या आदेशामुळे उमेदवारांमध्ये संभ्रम उडाला असल्याचे निदर्शनास आणून दिल्यानंतर तो मागे घेण्याची सूचना मुख्यमंत्र्यांनी केली.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

बॅटरीचा राजा येतोय! Redmi 15 5G लाँचिंगसाठी सज्ज, 7000mAh बॅटरी करणार कमाल; जाणून घ्या अफलातून फीचर्स

IND vs ENG: भारतासाठी ओव्हल 'लकी' की 'अनलकी'? कसा आहे टीम इंडियाचा रेकॉर्ड? गिल सेना करणार मोठा चमत्कार

Goa Made Liquor Seized: गोवा बनावटीच्या दारूची तस्करी; सिंधुदुर्गातील इन्सुली चेकपोस्टवर 6.80 लाखांचा मुद्देमाल जप्त, दोघे ताब्यात

Lung Cancer: फुफ्फुसाच्या कर्करोगाचा तरुणाईला विळखा, 50 वर्षांखालील 21 टक्के लोकांना जखडलं; जाणून घ्या का वाढतोय धोका?

Goa Assembly: गोव्याच्या पर्यटन क्षेत्रात वाढ, जून 2025 पर्यंत 54.5 लाख पर्यटकांची नोंद, मंत्री रोहन खंवटेंची माहिती; वाचा दिवसभरातील घडामोडी

SCROLL FOR NEXT