Goa Crime News: पैशांच्या वादात अडवणूक करून मारहाण तसेच धमकीच्या आरोपातून आरीफ हुंसीमरद (रा. धुळेर म्हापसा) याची म्हापसा न्यायालयाने पुराव्याअभावी निर्दोष मुक्तता केली.

हे प्रकरण गेल्या 21 ऑगस्ट 2018 रोजी, रात्री 10.30 च्या सुमारास म्हापशातील नोकिया केअर दुकानाजवळील मुख्य रस्त्यावर घडलेली. फिर्यादी मेहबूब खान व त्यांचा भाऊ हुसेन खान यांना पैशांच्या वादातून संशयित आरोपी आरीफ हुंसीमरद यांनी चुकीच्या पद्धतीने अटकाव केला.

तसेच, त्यांना व त्यांच्या भावाला मारहाण केली. तसेच धारधार ब्लेडचे वार केले होते.

या प्रकरणी म्हापसा पोलिसांनी संशयिता विरूध्द भा.दं.सं.च्या ३४१, ३२४, ५०६(२) व २०१ कलमांतर्गत गुन्हा नोंदवला होता व तत्कालीन पोलीस हवालदार रामचंद्र सावंत यांनी न्यायालयात आरोपपत्र दाखल केले होते.