म्हापसा: भाटी-हडफडे येथील श्री आरवेश्वर देवस्थानात कै. वासुदेव रेडकर यांच्या स्मरणार्थ ‘के.डी.आर. बॉइस ऑफ आरपोरा’ने मंगळवार 29 मार्च रोजी दुपारी 2.30 वाजल्यापासून अखिल गोवा अभंग गायन स्पर्धेचे आयोजन केले आहे.

त्यानंतर रात्री आठ वाजता कळंगूटचे आमदार मायकल लोबो व शिवोलीच्या आमदार डिलायला लोबो यांच्या हस्ते हडफडे गावचे ज्येष्ठ भजन कलाकार यांचा सत्कार करण्यात येणार आहे. त्यामध्ये दयानंद बी. दिवकर, कै. शाबी विष्णू मांद्रेकर, तुकाराम मधुकर दिवकर, संजीव नारायण हरमलकर व सदानंद शांताराम पेडणेकर या पाच कलाकारांचा समावेश आहे.

या स्पर्धेसाठी 15 वर्षांखालील, खुला महिला गट व खुला पुरुष गट असे तीन गट असतील. 15 वर्षाखालील मुले ही 29 मार्च 2007 च्या नंतर जन्मलेली असावी. जन्मदाखला आयोजकांना सादर करणे अनिवार्य असेल. लहान गटात 10, महिला गटात 15 व पुरुष गटात 15 अशा एकूण 40 स्पर्धकांना रात्री 8 वाजेपर्यंत कार्यक्रमस्थळी प्रवेशशुल्क 100 रुपये स्विकारुन प्रवेश दिला जाईल. अभंगाचा अवधी पाच ते सात मिनिटांचा असावा. प्रत्येक स्पर्धकाने टाळ वाजवून अभंग सादर करावा अन्यथा गुण कमी केले जातील. अभंग गायन स्पर्धा, सूत्रसंचालन हेडलॅन्ड, सडा- वास्को येथील संतोष गजानन मोरुडकर हे करतील.