पणजी: काँग्रेसने गोव्यातील आपल्या उमेदवारांना एका रिसॉर्टमध्ये हलवल्यानंतर, आता आम आदमी पार्टीनेही स्वतःच्या उमेदवारांना सावध ठेवण्यासाठी हालचाली केल्या आहेत.

गोव्यात त्रिशंकू विधानसभा होण्याची शक्यता आहे तसेच भाजपशी काँग्रेसची लढत होण्याचा अंदाज आल्याने, 2017 ची पुनरावृत्ती टाळण्यासाठी आप आणि काँग्रेस या दोघांनीही आपापल्या उमेदवारांचे विलगीकरण केले आहे. काँग्रेसने आपल्या उमेदवारांना उत्तर गोव्यातील एका रिसॉर्टमध्ये हलवले आहे, जिथे ते गुरुवारी मतमोजणी संपेपर्यंत आणि निकाल लागेपर्यंत राहतील. एक्झिट पोलमध्ये ममता बॅनर्जींच्या तृणमूल काँग्रेसला तीन जागा मिळण्याचा अंदाजही वर्तवण्यात आला आहे - अश्या परिस्थितीत तृणमूल काँग्रेस किंगमेकरच्या भूमिकेत येऊ शकते.(AAP and Congress defend their candidates in Goa)

एक्झिट पोलनुसार, आम आदमी पार्टी जागा न मिळण्याची शक्यता जास्त आहे. विधानसभा निवडणुकीच्या निकालापूर्वी गोव्यात असलेले काँग्रेसचे (Goa Congress) ज्येष्ठ नेते पी चिदंबरम यांनी काल पत्रकारांना दिलेल्या मुलाखतीत सांगितले होते की त्यांचा पक्ष देखील "उमेदवार चोरणाऱ्यांविरुद्ध" सावध आहे. 2017 च्या निवडणुकीच्या निकालांचा संदर्भ देत ते पुढे म्हणाले, काँग्रेस एकच सर्वात मोठा पक्ष म्हणून उदयास येऊनही गोव्यात सरकार स्थापन करण्यात अपयशी ठरला. दरम्यान, काँग्रेस नेते आपल्या पक्षाची दुप्पट काळजी घेत असुन, यावेळी नेत्यांची "चोरी" होऊ देणार नाही असे त्यांनी स्पष्ट केले. ‘भाजपविरोधी (Goa BJP) आघाडी’साठी काँग्रेसही इतर पक्षांच्या संपर्कात आसल्याच्या चर्चा समोर येत आहेत.

ते पुढे म्हणाले, "आमच्या पक्षाचे गोवा नेते इतर पक्षांच्या गोव्यातील नेत्यांच्या संपर्कात आहेत". तृणमूलने याआधी सत्ताधारी भाजपशी सामना करण्यासाठी काँग्रेस आणि इतर पक्षांच्या युतीचा प्रस्ताव दिला होता. परंतु चिदंबरम यांनी गोव्यात युतीचा प्रस्ताव "विचार केला गेला नाही" असे सांगून पक्षाला फटकारले होते कारण त्यांनी काँग्रेस मधील लुझिन्हो फालेरो सारख्या नेत्यांची 'शिकार' केली होती. 40 सदस्यीय गोवा विधानसभेसाठी (Goa Assembly) 14 फेब्रुवारी रोजी निवडणूक झाली आणि 10 मार्च रोजी निकाल जाहीर होतील.