पणजी: राज्यात महिलांवरील (Goa State) वाढत्या गुन्ह्यांविरोधात झालेल्या आंदोलनात आम आदमी पार्टी (Aam Admi Party) नागरिकांसोबत उभी आहे. पणजीत ४ ऑगस्ट रोजी तरुण आणि नागरिकांनी राज्यातील महिलांवरील गुन्ह्यांबद्दल आणि भाजप सरकारच्या निष्क्रियतेबद्दल संताप व्यक्त करण्यासाठी एकत्र येत आंदोलन केले.

मुख्यमंत्री सावंत यांच्याकडे त्यांच्याविरुद्धची आंदोलन बंद करण्यासाठी पुरेसा पोलिस बंदोबस्त आहे. मात्र, महिला आणि मुलांचे संरक्षण करण्यासाठी मनुष्यबळ नाही, असा आरोप ‘आप’ने यावेळी केला. पणजीत आझाद मैदानावर बुधवारी ‘युथ ॲण्ड सिटिझन ऑफ गोवा’ यांच्या वतीने मेणबत्ती प्रज्वलित करून सरकारचा निषेध नोंदवण्यात आला. (Goa Govt) यावेळी ‘आप’चे पदाधिकारी आणि नागरिक उपस्थित होते.

एका आठवड्यात ३ बलात्कारांची नोंद झाल्यानंतर (Goa Rape Case) आठवड्याभरानंतर महिलांना त्यांच्या सुरक्षिततेबद्दल आश्वासन देण्यासाठी ठोस कारवाई न केल्याने नागरिक संतापले आहेत. बलात्कार करणाऱ्यांचा निषेध करण्याऐवजी बलात्काराचा दोष पीडितांवर आणि त्यांच्या कुटुंबीयांवर टाकला आणि मुख्यमंत्र्यांनी अद्याप त्यांच्या वक्तव्याबद्दल माफीही मागितलेली नाही, म्हणून मुख्यमंत्र्यांच्या वक्तव्यावर नागरिकांनी संताप व्यक्त केला.

गोव्यातील महिलांबाबत सरकार अपयशी ठरले आहे, असे म्हांबरे म्हणाले. यावेळी प्रतिमा कुतिन्हो म्हणाल्या, राज्य महिला आयोगसुद्धा निष्क्रिय आहे. एक असे मुख्यमंत्री ज्यांना यामध्ये किमान स्वारस्य देखील नाही, ते या प्रकरणात न्याय कसा देऊ शकतात? मुख्यमंत्री हे पीडितांना दोषी ठरवणारे असंवेदनशील विधान कसे करू शकतात?

आपचे प्रवक्ते वाल्मिकी नाईक (Valmiki Naik) म्हणाले, मुख्यमंत्र्यांनी बलात्कार रोखण्यासाठी आणि महिलांच्या संरक्षणापेक्षा हा विरोध दडपण्यात जास्त वेळ घालवला आहे. जर आंदोलकांना दडपण्यासाठी पोलिस दल मोठ्या संख्येने उपस्थित राहू शकते तर ते रस्त्यावर गस्त का घालत नाहीत? मुख्यमंत्र्यांची विधाने महिलांना हानी पोहचवणारी आहेत, असे ‘आप’च्या नेत्या सेसिल रॉड्रिग्स (Cecil Rodriguese) म्हणाल्या. २१ व्या शतकात महिलांना सुरक्षिततेचे आश्वासन देण्याऐवजी, त्यांनी घरातच राहावे असे मुख्यमंत्र्यांना वाटते, असेही रॉड्रिग्स म्हणाल्या.