Goa Clean Beach: देशातील आघाडीची परीक्षा तयारी शिक्षण सेवा देणाऱ्या ‘आकाश बायजूसने काल मिरामार किनाऱ्यावर जंक दी प्लास्टिक या मोहिमेस प्रारंभ केला. यावेळी किनाऱ्यावरील प्लास्टिक कचरा गोळा करून हटवण्यात आला.

मिरामारसारख्या ठिकाणी हजारो पर्यटक भेट देत असतात, अशा ठिकाणी प्लास्टिक कचरा समस्या गंभीर बनली आहे. प्लास्टिकच्या पर्यावरणावरील दुष्परिणामांबाबत जागृती व प्लास्टिकचा पुनर्वापर, पुनःप्रक्रियेच्या प्रयत्नांना प्रोत्साहनाचा संदेश या मोहिमेतून दिला.

गत आठवड्यात मुंबईतील जुहू किनाऱ्यावर या मोहिमेचे उद्‍घाटन झाले होते. या आठवड्यात पणजी आणि कोझिकोड-केरळ येथील किनाऱ्यांची स्वच्छता करण्यात आली. प्लॉगिंग मोहिमेअंतर्गत आकाश बायजूस (पणजी व मडगाव) दोन केंद्रांतून 100हून अधिक विद्यार्थ्यांनी संकलन केले.

अमित सिंह राठोड, ‘आकाश बायजूस’चे विभागीय संचालक-

‘आकाश बायजूस’मध्ये विद्यार्थ्यांना त्यांचे शैक्षणिक उद्दिष्टपूर्तीबाबत मार्गदर्शन करण्याबरोबरच आदर्श नागरिक घडवण्याची जबाबदारी असल्याचे आम्ही मानतो. याचाच एक भाग म्हणून स्वच्छता मोहीम राबवली. देशातील इतर किनारी शहरांतही अशी मोहीम राबवण्याचा विचार आहे.