फातोर्डा: मोबोर या ठिकाणी मच्छिमारी ट्रॅालरवर काम करणारा मच्छिमार काल दिनांक 2 नोव्हेंबर रोजी समुद्रात मासेमारीसाठी गेला होता. या युवकाचा समुद्रात बुडून मृत्यू झाला असल्याची माहिती समोर आली आहे.

(A worker working on a fishing trawler drowned in the sea at Mobor)

मिळालेल्या माहितीनुसार मोबोर या ठिकाणी मच्छिमारी ट्रॅालरवर काम करणारा मच्छिमार निरोज सामंत (26 ) हा 2 नोव्हेंबर रोजी समुद्रात मासेमारीसाठी गेला होता. मात्र तो ज्या ट्रॅालरवर काम करत होता, तेथून तो बेपत्ता झाला होता. यानंतर बोटीवरील कामगारांनी त्याचा शोध घेण्याचा प्रयत्न केला होता. मात्र तो सापडला नव्हता.

आज दिनांक 3 डिसेंबर रोजी एका ठिकाणी सामंत याचा मृतदेह तरंगत असल्याचे दिसून आल्याची माहिती कोलवा पोलिसांनी दिली. या प्रकरणाचा तपास सुरु आहे. त्यामुळे युवकाचा मृत्यू नेमका कशामुळे झाला हे समोर आलेले नाही. या मृत्यूमागे काही घातपात आहे का? याचा शोध घेतला जाणार असल्याचे ही पोलिसांनी स्पष्ट केले आहे.